புத்தகம் Archives - Page 6 of 15 - தமிழ்ஹிந்து

வலம் முதல் இதழ் வெளியிடப்பட்டது

வலம் முதல் இதழ் ‘வெங்கட் சாமிநாதன் சிறப்பிதழாக’ விஜயதசமி (அக்டோபர்-11) அன்று வெளியானது. முதல் இதழை திருமதி. சரோஜா (பொறுப்பாசிரியர்களில் ஒருவரான திரு. ஹரன்பிரசன்னா அவர்களின் தாயார்) பெற்றுக்கொண்டு வாழ்த்தினார். வலம் அக்டோபர் 2016 (துர்முகி வருடம், புரட்டாசி – ஐப்பசி) இதழின் உள்ளடக்கம் – நேற்றைய பெருமையும் இன்றைய வறுமையும் – வெங்கட் சாமிநாதன்; வெங்கட்சாமிநாதன்: உரையாடல்களின் நீட்சி – சொல்வனம் ரவிஷங்கர்; மாதொரு பாகன் – என்னதான் நடந்தது? – ராஜா ஷங்கர்; இந்தியா சிறுபான்மையினருக்கான தேசம் மட்டும்தானா? – லக்ஷ்மணப் பெருமாள்; அருகி வரும் யானைகள் – பி.ஆர்.ஹரன்; மதர் தெரசா: இறுதித் தீர்ப்பு – ஜடாயு….

புத்தகம் இசை

இசையை ரசிக்கலாம் வாருங்கள் – புத்தக அறிமுகம்

பி.ஆர்.கீதா August 10, 2016 2 Comments ரசனை இசை நிகழ்ச்சிகள்இசைக்கலைஞர்சங்கீத மும்மூர்த்திகள்சங்கீதம்இசை அனுபவம்இசை கர்நாடக இசை கர்நாடக சங்கீதம்இசைக்கூறுகள்

கல்வியிற் சிறந்த பெரியோர்கள் கற்க வேண்டியதைக் கற்று, அறிய வேண்டியதை அறிந்தவர்கள். தாம் பெற்ற அறிவின்பங்களை உலகிலுள்ள எல்லோரும் அடையும்படி பிறருக்கும் கொடுத்து மகிழ்வார்கள். அதன்படியே திரு.சுந்தர் அவர்களும் கர்நாடக சங்கீதத்தின் இசை நுணுக்கங்களைப் பாமரனும் புரிந்து இன்புறும் வண்ணம் நமக்குத் தந்திருக்கிறார். திரு.ரமணன் அவர்கள் தந்துள்ள வாழ்த்துரையின்படி, இந்நூல் ஒரு பயிலரங்கு என்பதை இதனைப் படிப்பவர் யாவரும் உய்த்துணர்வர். யானும் இந்நூலைக் கற்றேன். கடுகளவு இசைஞானம் கொண்டிருந்த நான் நிறையத் தெரிந்துகொண்டபின் உள்ளம் பூரித்தேன். யான் பெற்ற இன்பம் பெறுக இவ்வையகம் என்று இறையடி பணிந்தேன்….

வரலாறு அரசியல் புத்தகம் சமூகம்

நான் ஏன் தலித்தும் அல்ல: புத்தக விமரிசனம் – 3 (இறுதி)

B.R. மகாதேவன் July 11, 2016 1 Comment தலித் அரசியல்ஆதிக்க சாதி கைசிக நாடகம்வன்கொடுமை தலித் எழுத்தாளர்கள்நான் ஏன் தலித்தும் அல்ல நில உடமை தலித் சித்தாந்திகள்வர்ணங்கள்டி.தருமராஜ்கோவில் நுழைவுப் போராட்டம்தலித் எழுச்சி காலனியம்அகமண முறை வர்ணாசிரமம்சமூக அணுகுமுறை சத்திரியர்புத்தர்பறையர்கள்பௌத்தம்பறையர்சாதி இணக்கத் திருமணம்விளிம்பு நிலை மக்கள்சாதிய மறுப்பு திருமணம்சமூகவியல்சூத்திரர்நவயான பௌத்தம்தாழ்த்தப்பட்டவர்கள்பசுவதை ஹரிஜன்சாதுர் வர்ண அமைப்பு கலப்புத் திருமணம்சாதி அமைப்பு தலித்ஹரிஜன ஆலயப் பிரவேசம்சாதிகள் ஒரு புதிய கண்ணோட்டம்

பறையர்-பள்ளர்கள் நில உடமையாளர்களாகவும் நிலக் குத்தகைதாரர்களாகவும் இருந்திருக்கிறார்கள். எனவே, அவர்களுடைய நிலை பிற தலித்களை விடப் பல மடங்கு மேலானதுதான். நில உடமைச் சமுதாயத்தினருக்குச் சேவைத் தொழில் செய்து வந்த சக்கிலியர், நாவிதர், வண்ணார், தோட்டி, வெட்டியார் போன்றவர்களே உண்மையில் ‘தலித்’ (Broken) என்று சொல்லத் தகுந்தவர்கள். இந்து சாதி அமைப்பின் கடைசிநிலையில் இருந்தவர்களாக, இருப்பவர்களாக அவர்களையே சொல்லவேண்டும்… இந்த இடத்தில்தான் சாதி அமைப்புக்கு நாம் முன்வைத்த நவீனத் தீர்வின் தோல்வி பற்றி சிந்திக்க வேண்டிவருகிறது. இந்த நவீனத் தீர்வு மூன்று வகையில் பிழையுடையதாக இருந்திருக்கிறது… பிற நாடுகளில் இருக்கும் அகமண முறை சாதியாக ஆகியிருக்காத நிலையில் இந்தியாவில் மட்டும் அகமண முறை மூலம் பிராமணர்கள் சாதிப் பிரிவினையை எப்படி நிலை நாட்டியிருக்க முடியும் என்ற கேள்வி வருகிறது….

சமூகம் வரலாறு அரசியல் புத்தகம்

நான் ஏன் தலித்தும் அல்ல: புத்தக விமரிசனம் – 2

B.R. மகாதேவன் July 11, 2016 2 Comments கிராமத் திருக்கோவில்கள்சமூகவியல்தலித் அரசியல்கைசிக நாடகம்அர்ச்சகர்கள்தலித் எழுத்தாளர்கள்பசுவதை தடுப்பு சட்டம்தாழ்த்தப்பட்டவர்கள்தலித் சித்தாந்திகள்ஹரிஜன்நான் ஏன் தலித்தும் அல்ல நாட்டார் வழிபாடு தலித் எழுச்சி தலித்டி.தருமராஜ்நாட்டார் கலைகள்பூசாரி கிராமக் கோவில் பூசாரிகள்நீதிக்கட்சியின் மறுபக்கம்சமூக அணுகுமுறை மாமிச உணவு மாட்டுக்கறி வன்கொடுமை சமூக அங்கீகாரம்திராவிட இயக்கம்மெட்ராஸ் திரைப்படம்நில உடமை நாட்டார் தெய்வங்கள்காலனியம்கிராம தேவதை மிருகபலி நகரவாழ்க்கை பிராமணர்கள்பசுவதை

கொலை செய்த ஆதிக்க சாதியின் குற்ற உணர்ச்சியும் பயமுமே கொலையுண்ட சிறு தெய்வங்களை உருவாக்குகிறது என்பது அடக்கப்பட்ட மக்களின் பதிலடியை மலினப்படுத்திவிடுகிறது. கொன்றவர்களே தெய்வமாகவும் ஆக்கியிருக்கிறார்கள் என்பது அவர்களை சாதகமான கோணத்தில் பார்க்கும் அபாயத்தையே முன்னெடுக்கிறது. ஒரு சிறிய கேள்வியை இங்கு கேட்டுக்கொண்டாலே இந்தக் கூற்று எந்த அளவுக்குப் பிழை என்பது விளங்கிவிடும் – இளவரசனை வன்னியர்கள் தெய்வமாக்குவார்களா பறையர்கள் தெய்வமாக்குவார்களா?… தங்களுடைய சமரசமும் போர்க்குணமும் எப்படி விடலைத்தனமானதாக இருக்கிறதோ அதுபோலவேதான் திராவிடப் போர்வாள்களின் இத்தனை கால வீச்சுக்களும் இருந்திருக்கின்றது என்ற கண்டடைதல் உண்மையிலே மிகவும் அற்புதமானது. இதை விரிவாக வளர்த்தெடுத்துச் செல்லும் துணிச்சல் தர்மராஜ் போன்றவர்களுக்கு வாய்க்குமென்றால் தமிழகச் சூழலில் தலித் நலனுக்கு பேருதவியாக அது இருக்கும்….

அரசியல் புத்தகம் சமூகம்

நான் ஏன் தலித்தும் அல்ல: புத்தக விமரிசனம் – 1

B.R. மகாதேவன் July 11, 2016 4 Comments நான் ஏன் தலித்தும் அல்ல தலித் அரசியல்டி.தருமராஜ்தலித் எழுத்தாளர்கள்அம்பேத்கர்தலித் சித்தாந்திகள்தாழ்த்தப்பட்டவர்கள்தலித் எழுச்சி கலப்புத் திருமணம்பறையர்கள்இடஒதுக்கீடு சாதி இணக்கத் திருமணம்அயோத்திதாசர்விவசாயத் தொழிலாளர்கள்ஹரிஜன்விவசாயிகள்சாதிய மறுப்பு திருமணம்தலித்பறையர்காதல் திருமணம்கிராமம்நகரவாழ்க்கை சக்கிலியர்இட ஒதுக்கீடு பள்ளர்

தலித் என்ற அடையாளத்துடன் தன்னை இணைத்துக்கொள்வதை ஆசிரியரின் ஒரு மனம் மறுக்கிறது. ‘அதன் அர்த்தம் என்னைத் துன்புறுத்துகிறது! எனது துன்பக்கேணி இதுதான். அது என்னை கும்பலில் ஒருவனாக அடையாளப்படுத்துகிறது. அது ஒரு கூட்டு அடையாளம். அதை நான் மறுப்பதை விடவும், அதுதான் என்னை மறுத்துக் கொண்டிருக்கிறது’ என்று கூறுகிறார். இது முழுக்கவும் நியாயமான வாதமே… நிஜத்தில் காதலர்கள் எந்தவித அரசியல் சிந்தனைகள் இல்லாமல் காதலுக்காகவே காதலிப்பவர்களாகத்தான் இருக்கிறார்கள். அரசியல் செய்பவர்கள்தான் சாதி கடந்த காதல்களை சாதிப் போரின் ஓர் அங்கமாகப் பார்க்கிறார்கள். இரு தரப்பு அரசியல் சக்திகளும் களத்தில் இறங்காத இடங்களில் இந்த சாதி கடந்த திருமணங்கள் சம்பந்தப்பட்டவர்களால் ஓரளவுக்கு சுமுகமாக உள்வாங்கிக் கொள்ளப்பட்டிருப்பதையும் சமூக ஆய்வாளர்கள் கணக்கில் கொண்டாகவேண்டும். ஏனெனில் அதுவே நடைமுறையில் அதிகம்…

இலக்கியம் வரலாறு வேதம் புத்தகம்

வேதம் நிறைந்த தமிழ்நாடு: நூல் வெளியீடு

பி.ஆர்.ஹரன் June 14, 2016 4 Comments கல்வெட்டுக்கள்தமிழ்ப் பண்பாடு ஆர்.நாகஸ்வாமி பத்மா சுப்ரமணியம்Tamil Nadu - Land of Vedas தமிழ் வரலாறு வேதம் நிறைந்த தமிழ்நாடு நூல் வெளியீடு பி.ஆர்.ஹரன்வைதீக வாழ்க்கை முறை விஜயேந்திர சரஸ்வதி சுவாமிகள்வேதநெறி டாக்டர் பத்மா சுப்பிரமணியம்புத்தக வெளியீடு வேத பாடசாலைகள்வைதீகம்வெளியீட்டு விழா சாஸ்திரம்

தொல்லியல் ஆராய்ச்சியாளரும் அறிஞருமான டாக்டர் ஆர்.நாகஸ்வாமி எழுதிய “Tamil Nadu – The Land of Vedas” என்கிற ஆங்கில நூல் வெளியீட்டு விழா இம்மாதம் 12-ம் தேதி சென்னையில் நடந்தது. “தமிழகத்தின் பழம்பெருமை வாய்ந்த கலாச்சாரம் வேதத்தை அடிப்படையாகக் கொண்டது தான். சிறப்பு வாய்ந்த தமிழ்ப் பண்பாட்டிற்கு வேதத்தின் பங்களிப்பு அளவிலடங்காது. என்னுடைய இந்த நூலை இரண்டு பாகங்களாகப் பிரிக்கலாம். முதல் பாகத்தில் தமிழகத்திற்கும், தமிழ் கலாச்சாரத்திற்கும் வேதங்கள் ஆற்றிய பங்கை தமிழ் இலக்கியங்களின் சான்றுகள் மூலமாக நிறுவியுள்ளேன். புறநானூறு முதற்கொண்டு சங்ககால இலக்கியங்களில் ஆரம்பித்து தமிழ் இலக்கியங்களில் கூறப்பட்டுள்ளவற்றை ஆராயந்து சொல்லியிருக்கிறேன். இரண்டாம் பாகத்தில் கல்வெட்டுக்கள், செப்புப்பட்டயங்கள் மூலம் தமிழகத்துக்கு வேதத்தின் பங்களிப்பையும் நிறுவியுள்ளேன். இந்தப் புத்தகத்தில் கூறப்பட்டுள்ள ஒவ்வொரு விஷயமும் ஆதாரங்களின் அடிப்படையில் கூறப்பட்டவை” என்றார் டாக்டர் நாகஸ்வாமி….

புத்தகம் அனுபவம் இலக்கியம்

சென்னைப் புத்தகக் கண்காட்சி 2016: ஓர் அனுபவம்

ஜடாயு June 13, 2016 7 Comments வாசிப்பு புத்தகப் பார்வை இந்து அறிவியக்கம்கல்கி இலக்கிய வாசிப்பு எழுத்தாளர்கள்எழுத்து பொன்னியின் செல்வன்ஹிந்து எதிர்ப்பு திராவிட இயக்கப் பொய்கள்வாசகர்வாசகர்கள்புத்தகக் கண்காட்சி இடதுசாரி அறிவுஜீவிகள்நவீன இலக்கியம்ஹிந்து அறிவியக்கம்ரசனை இந்திய எதிர்ப்பு

பகவத்கீதை ஏன் உலகிலேயே மோசமான புத்தகம், இந்துமதத்தை அழித்து ஒழிப்பதே நமது நோக்கம் போன்ற பிரசாரங்களை வேறுவேறு தலைப்புகளில் சொல்லும் விதவிதமான புத்தகங்கள் கணிசமான அரங்குகளில் இருந்தன. இதற்கு நடுவில், வாசிப்பின்பத்தையும் அறிவுத் தேடலையும் மையப் படுத்தி நல்ல புத்தகங்களை விற்கும் அரங்குகளும் ஆங்காங்கே தென்பட்டன..”புத்தகங்களில் நான் பொன்னியின் செல்வனாக இருக்கிறேன்” என்று மிஸ். தமிழ்த்தாயின் கீதை கட்டாயம் சொல்லக்கூடும். அந்த அளவுக்கு சின்னதும் பெரிசுமாக விதவிதமான அளவுகளில், விதவிதமான அட்டைப்படங்களுடன் பொ.செ. வீற்றிருந்தது… சென்னைப் புத்தகக் கண்காட்சி என்பது ஒரு மிக முக்கியமான பண்பாட்டு நிகழ்வு. அது தொடர்ந்து இவ்வளவு பெரிய அளவில் இத்தகைய வீச்சுடன் நடப்பதே ஒரு பெருமைக்குரிய விஷயம்…

புத்தகம் இலக்கியம்

தமிழ் இலக்கிய வாசிப்பை எங்கிருந்து தொடங்குவது

ஜடாயு June 6, 2016 8 Comments புத்தகக் கண்காட்சி கவிதைகள்நவீன இலக்கியம்பாரதியார் கவிதைகள்ரசனை இலக்கிய ரசனை இலக்கிய வாசிப்பு புத்தகப் பார்வை எழுத்து எழுத்தாளர்கள்வாசகர்கள்நாவல்தமிழ் இலக்கியம்இலக்கியப் பதிவுகள்புதுக்கவிதை சிறுகதைகள்வாசகர்வாசிப்பு

தமிழ் இலக்கிய வாசிப்பை எங்கிருந்து தொடங்குவது என்று கேட்டுவரும் சில நண்பர்களுக்கு எனது பரிந்துரை (நூலகத்தில் போய் புத்தகம் படிப்பதெல்லாம் ruled out, வாங்கித் தான் வாசிக்க வேண்டும் என்பதால், ‘வாங்கி’ படிக்கும் வகையில் இருக்கவேண்டும் என்பதையும் கணக்கில் கொண்டு)… உங்கள் ஒட்டுமொத்த தமிழ் நவீன இலக்கிய வாசிப்புக்கு இந்த நூலை ஒரு வழிகாட்டியாகக் கொள்ளலாம். நூலின் கடைசியில் தமிழின் மிகச்சிறந்த நாவல்கள், சிறுகதைகள், கவிதைகள், வணிக இலக்கியம் எனப் பட்டியல்கள் உள்ளன.. திரும்பத் திரும்ப வாசித்துத் தீரவேண்டிய, பல எழுத்தாளர்களின் கதைகள் ஒரே புத்தகத்தில் அடங்கிய தொகுப்பு இது… கவிதைகளில் உங்களுக்கு ஆர்வம் உண்டா தெரியவில்லை. ஆனால், கவிதைகளை வாசித்து ரசிக்க இயலாத இலக்கிய வாசிப்பு முழுமையானதல்ல, சொல்லப் போனால், ரொம்பவே அரைகுறையானது…

புத்தகம் விவாதம் வரலாறு அரசியல்

கொஞ்சம் தேநீர், கொஞ்சம் ஹிந்துத்துவம்: புத்தக அறிமுகம்

ஆசிரியர் குழு June 4, 2016 1 Comment அரவிந்தன் நீலகண்டன்வரலாற்றுத் திரிப்புக்கள்புத்தகப் பார்வை இந்துத்துவப் பன்மைத் தன்மை போராடும் இந்துத்துவம்விவாதம்காலை தேநீருடன் கொஞ்சம் இந்துத்துவா அவதூறுகள்நேருவிசம்போலி மதச்சார்பின்மை இந்து அறிவியக்கம்வரலாற்றுத் திரித்தல்ஹிந்து எதிர்ப்பு திராவிட இயக்கப் பொய்கள்ஹிந்து அறிவியக்கம்

மாளவியா ஒரு மண்ணுருண்டை, திலகர் ஒரு கொலைகாரர், வீர சாவர்க்கர் ஒரு கோழை, பிரிட்டிஷார் வரவில்லை என்றால் நமக்குக் கல்வி அறிவே இருந்திருக்காது – தமிழ்நாட்டில் இப்படி ஒரு இந்துத்துவ எதிர்ப்பு பிரசாரம் நடந்து வருகிறது. இந்துத்துவ எதிர்ப்பு என்பது எப்போதுமே பாரதத்தின் தேசத் தலைவர்களையும், அதன் மகத்தான பண்பாட்டுக் கூறுகளையும் கொச்சைப்படுத்துவதில், இழிவுபடுத்துவதில் தான் முடிகிறது. ஆனால் உண்மை என்ன? இந்துத்துவத்தின் வரலாற்றுப் பார்வையை முன்வைக்கும் இந்தப் புத்தகம் ஒவ்வொரு தமிழனும் தெரிந்துகொள்ள வேண்டிய சொந்தப் பாரம்பரியம். பொய்யிலிருந்து மெய்மைக்கு அழைத்துச் செல்லும் அரவிந்தன் நீலகண்டன் எழுதியுள்ள இந்தப் புத்தகம், இன்றைய அறிவுச்சூழலில் ஒரு கட்டாயத் தேவை… அறிவுஜீவிகள் கூறுவதுபோல இந்துத்துவம் என்பது இந்து ஞான மரபுடன் தொடர்பு இல்லாத வெறும் அரசியல் சித்தாந்தம் அல்ல. இந்துத்துவத்தின் வரலாறு என்பது வீர சாவர்க்கருடன் தொடங்கி ஆர்.எஸ்.எஸ். என்கிற அமைப்பின் இயக்க வரலாறு என்பதாக மட்டும் இல்லை. அதன் தொடக்க வேர்கள் புராதனமானவை. பாரதத்தின் உன்னதங்களைக் கொண்டாடிப் பாதுகாப்பவை. அவற்றைத் தகவமைத்து வளர்த்தெடுப்பவை. அதுபோலவே பாரதத்தின் சீர்கேடுகளுக்கு ‘பார்ப்பனீயம்’ போன்ற பொய்யான எதிரிகளை உருவாக்காமல் பொறுப்பேற்பவை. அந்த சமூக தேக்கநிலைகளிலிருந்து விடுதலையாகும் உத்வேகத்துடன், இந்துத்துவம் அதற்கான தீர்வுகளைப் பாரத மண்ணிலிருந்து உருவாக்குகிறது….

வரலாறு கல்வி புத்தகம்

அழகிய மரம் (இந்தியப் பாரம்பரியக் கல்வி) – புத்தக அறிமுகம்

ஆசிரியர் குழு June 3, 2016 2 Comments காந்தியம்காந்தி இந்து கல்வி நிலையங்கள்பள்ளிக் கல்வி மகாத்மா காந்தி இந்தியக் கல்வி புத்தகப் பார்வை ஆச்ரமவழிக் கல்வி இந்தியக் கல்விமுறை பி.ஆர்.மகாதேவன்குருகுலக் கல்வி முறை மெக்காலே கல்வி பாரதீய கல்வி முறை அழகிய மரம்The Beautiful Tree தரம்பால்

1931-ல், லண்டனில் மகாத்மா காந்திஜி ஓர் உரை நிகழ்த்தினார். அதில், அப்போதைய பிரிட்டிஷ் இந்தியாவில் இருந்த கல்வியின் நிலையைவிட, ஐம்பது நூறு ஆண்டுகளுக்கு முன்பாக, இந்தியாவில் கல்வி நிலை ஒப்பீட்டளவில் சிறப்பாக இருந்திருக்கிறது. பிரிட்டிஷார் அமல்படுத்திய நிர்வாக நடைமுறைகள், இந்தியப் பாரம்பரியக் கல்வி என்ற அழகிய மரத்தை வேரோடு பிடுங்கி எறிந்துவிட்டது என்று சொன்னார். காந்திஜியின் அந்தக் கூற்று, 18-19-ம் நூற்றாண்டுகளில் இந்தியாவின் கல்வி தொடர்பான மிகப்பெரிய விவாதக் கதவுகளைத் திறந்துவிட்டது. அந்த விவாதங்கள் மற்றும் அது தொடர்பான தரவுகளின் முழுமையான தொகுப்பே இந்தப் புத்தகம். காந்தியவாதியும் வரலாற்றாசிரியருமான தரம்பால், பிரிட்டிஷாரின் ஆவணங்களின் அடிப்படையில் இந்த ஆதாரபூர்வமான நூலை எழுதினார். மிக முக்கியமான இந்த வரலாற்று நூலை B.R.மகாதேவன் சிறப்பாக தமிழில் மொழிபெயர்த்து நமக்கு அளித்திருக்கிறார்..